Ditë përpjekjesh, replikash dhe debatesh për atë që do të marrë në dorë qeverinë e re në Itali, pas befasisë së fundit në zgjedhje.
Ndërkohë që kreu i 5 Yjeve, Di Maio që pas fitores doli me deklaratë të prerë se qeveria i takon atij, vjen mesazhi i prerë i Berluskonit.
“Koalicioni ynë doli nga zgjedhjet si formacioni i parë politik dhe kjo duhet të jetë vendimtare për të marrë zyrën e qeverisë. Jam i lumtur për Matteo Salvinin, jam i lumtur për Lega, me të cilën kemi qenë për shumë vite në qeveri dhe me të cilën qeverisim qarqe të rëndësishme. Por, unë konfirmoj, në lidhje me aleatët dhe marrëveshjet për koalicione, se mbetem udhëheqës i Forza Italia, Unë do të jem kryesuesi i qendrës dhe garantuesi i kompaktësisë së koalicionit”-tha Berluskoni.
