Presidenti i Partizanit, Gaz Demi, u përfshi në emisionin “Zonë e Lirë” në Tv Klan, ku u telefonua nga moderatori Arian Çani, për t’i drejtuar pyetjen pse klubi i Partizanit kishte propozuar Theodhori Sollakun për anëtar të Komitet Ekzekutiv të FSHF-së dhe jo Z.Bashkim Fino si kandidat për president, pasi sipas Çanit, Fino dhe Demi janë miq të ngushtë.
“Shpresoj të më ketë dalë emri për mirë, se tani e çfarë nuk dëgjojmë. Ta kisha fat ta propozoja Bashkimin do ishte nder për mua. Duhet ta njohësh FSHF-në që ta kuptosh. Në federatë duhet të ketë njerëz me integritet. Vota e Finos është e njëjtë me votën e Dhori Sollakut që kam propozuar unë. Ne e kemi propozuar si bord. Vërtet jam president i Partizanit, por nuk marr vendime vetë. Çdo klub ka të drejtë të propozojë vetëm një, o president o anëtar.”
Ti kë më shumë mik Bashkim Finon se sa Theodhorin Sollakun. Pse nuk propozove Finon?
“Këtu nuk ka punë miqsh. Edhe Dukën e kam mik unë. Nuk jam zënë me Dukën. Flasim për parime të futbollit. Unë jam njeri që bëj stërvitje dhe jam më i qetë, nuk kam pse zihem.“