Kreu i opozitës Lulzim Basha në nje intervistë të dhënë pasditen e sotme për “News24” ka folur veç të tjerash edhe për deputetët e partisë demokratike që sot janë ulur në karriget e tij e të ish deputetëve.
Kryetari i PD duket se i ka kaluar “fajin” aleatëve të vegjel, të cilët sipas tij kërkonin të kishin rol në proces që zgjati vetëm pesë ditë. Duke futur edhe “presionin” e kohës, Basha hsprehet se kjo nuk duhet të perseritet më kurrë.
Lind pyetja, një lider i mirë i kontrollon listat vetë apo ia le në dorë… aleatëve “të vegjël”?
Pjesë nga intervista:
Si ndiheni ju kur shikoni se sot në vendet tuaja janë ulur disa deputetë, të cilët është parë se nuk dinë të lexojnë e të shkruajnë, kur këta deputetë kanë dalë nga lista juaj, pra ju i keni firmosur?
Basha: E para e punës, është një sëmundje e sistemit. Duhet të keni parasysh që këta, si rregull këta kanë ardhur nga fundi i listave, ku me thënë të drejtën edhe vëmendja e propozuesve të emrave ka qenë më e reduktuar. Një pjesë e mirë kanë ardhur nga listat e partive të vogla aleate, nuk kanë ardhur si propozim i PD, por të aleatëve shumë të vegjël, që e kërkonin këtë si një afishim nominal të partisë dhe të logos së partisë, dhe e gjitha kjo ka ndodhur ne nje proces për më pak se pesë ditësh. Megjithatë, asnjëra prej këtyre nuk është justifikim. Është një shans për reflektim dhe për ndryshim që kjo të mos përsëritet më kurrë.
/AlpeNews.al
