Anëtari i Komisionit të Rithemelimit, Edmond Spaho, komentoi deklaratën e ambasadores së SHBA, Yuri Kim, e cila pyeti kandidatët e Berishës se çfarë u ofrojnë votuesve në një kohë kur sponsori i tyre është non grata. Spaho e cilësoi të papranueshme dhe ndërhyrje në punët e brendshme të Shqipërisë. Sakaq, Spaho tha se Kim tregoi sot një shembull që s’duhet ndjekur ndërsa theksoi se ka shkelur Konventën e Vjenës për statusin e diplomatit.
“E gabuar, shkelje e ligjeve dhe Kushtetutës, shkelje e Konventës së Vjenës për statusin e diplomatëve dhe përfshirje në fushatën elektroale për zgjedhjet e 6 marsit. Nuk është hera e parë që veprohet nga Yuri Kim në këto shina. Efekti ka qenë për të qenë i sinqertë, i kundërt. Sa më shuëm trajtohet në këtë këndvështrim, aq më shumë rritet mbështetja për kandidatët e ‘Shtëpisë së Lirisë’. Këto rregulla do duhej të respektoheshin. S’jemi në provinca ku ligji lihet mënjanë dhe shkelet sipas dëshirës duke futur hundët së kë duhet të votojnë qytetarët. SHBA-të janë demokracia më e madhe në botë nga e cila ne mësojmë, askush s’do lejojë në atë vënd që të ndërhyhej, se kë të votojnë zgjedhësit amerikanë dhe kë duhet të kenë kreun e kongresit. Standardet që zbatohen në vendet demokratike, nëse duam të forcojmë demokracinë, ta zbatojmë dhe këtu, Rasti i sotëm, shembull që s’duhet vepruar.”-tha Spaho.
Ndër të tjera Spaho tha se Shkodra do të drejtohet nga Bardh Spahia ndërsa shtoi se shanse mjaft të mira kanë për të fituar Durrësin, DIbrën dhe Lushnjën në zgjedhjet e pjesshme të 6 marsit.
“Kemi kandidatë me shumë reputacion. Kandidati në Lushnjë, Elt5on Bano, figurë majft e dashur. besoj do marri mbështetjen dhe të fitojë garën. S’jam dakord me atë që bëhet garë për vendin e dytë. Futeim për të fituar. Shanset varen nga mënyra si votojnë votuesit.”-tha Spaho.
