Anëtarja e Asamblesë Kombëtare të Partisë Socialiste dhe koordinatorja e kësaj partie në Fushë Arrëz, Franka Toplana, akuzon kryebashkiakun e këtij qyteti, gjithashtu i ardhur nga Partia Socialiste, për falsifikim.
Ajo ka reaguar publikisht në rrjetin social Facebook, duke paraqitur disa dokumente, sipas të cilës kryebashkiaku Fran Tuci ka falsifikuar listë-prezencën për shkarkimin e drejtorit të Qendrës Kulturore të Fëmijëve në Fushë Arrëz Mark Toplana, njëkohësisht bashkëshorti i koordinatores së PS-së.
“Atij i duhet me patjeter ulja nga detyra e drejtorit të QKF, sepse duhet me patjeter të marrë shpërblimin për këtë! Dhe, strategjia me të cilën mendon të realizoje shkarkimin është kjo: Me doren e vetë dhe me vullnetin e lire, falsifikon listprezencën e QKF Fushë Arrëz, dhe pikërisht këtë falsifikim zyrtar e përdor si motiv për ulje nga detyra të drejtorit. Mirëpo dita që ka falsifikuar kryetari me dorën e tij, rezulton të jetë ditë pune intensive dhe e protokolluar ne librin e mbledhjeve të QKF Fushë Arrëz në prezencën e të gjithë kolektivit”, shkruan në reagimin e saj Franka Toplana.