Britanikët sërish veshën rrobat e tyre të bukura dhe mbushën rrugët e qytetit për të tretën natë radhazi, duke shfrytëzuar në maksimum fundjavën e gjatë pa punë.
Të dielën mbrëma, vajzat dhe djemtë, u shfaqën në grupe në rrugët e Newcastle dhe Leeds, duke mbushur lokalet e duke shijuar nga një pije.
Duket se dita e fundit e pushimeve, britanikët e shfrytëzojnë në maksimum për t’u argëtuar. Siç shihet nga fotot e publikuar nga “The Sun”, të rinjtë nuk e kanë aspak problem që të bëjnë festa “të çmendura”.
Një foto tregon një vajzë që ka hequr këpucët dhe rri e ulur në tokë, teksa po flet në telefon. Ndërkohë një tjetër imazh shfaq një vajzë me një fustan të shkurtër që qëndron në krahët e një djali.
Fotot në fjalë tregojnë vajzat të kuruara në çdo detaj, por që kanë përfunduar të ulura në një stol duke ngrënë.
Duket se të rinjve britanikë u kishte munguar kjo atmosferë prej muajsh, pasi pub-et dhe lokalet e natës kanë qenë të mbyllura për shkak të situatës nga pandemia e Covid-19. Kjo ishte fundjava e parë ku britanikët lejoheshin për të shijuar një pije brenda në lokal.