Deputetja, Rudina Hajdari, e pyetur rreth një ftese adresuar asaj nga Astrit Patozi për t’iu bashkuar Bindjes Demokratike, deklaroi se nuk dëshiron të marrë vendime të nxituara.
Megjithatë ajo u shfaq e hapur ndaj çdo lloj subjekti të ri demokratik në Shqipëri.
Hajdari sqaroi se është takuar pak herë me Astrit Patozin, por ka pasur gjithmonë vlerësim për figurën e tij.
“Nuk dua që të marr vendime të nxituara.
Unë jam e hapur ndaj çdo lloj partie të re politike.
E gjitha çka është folur nga media rreth përfshirjes sime në partinë Bindja Demokratike” ka qenë veç një flluskë mediatike.
Unë e kam takuar pak herë zotin Patozi, por kam pasur gjithmonë vlerësim për figurën e tij.
Unë kam thënë që problemi kryesor është zgjidhja e krizës politike.
Unë do të mundohem të evitoj një konflikt social.
Nuk mendoj se çështja se ku do të jetë Rudina Hajdari është shumë e rëndësishme.
E rëndësishme është të evitojmë konfliktin civil”,-tha Hajdari në studion e emisionit “Përballë” në RTSH.
