Pas ndalimit të gjyqtarit Shkëlqim Miri, Report Tv zbulon detaje të reja nga korrupsioni në drejtësi. Burime nga Krimet e Rënda për Report Tv pohojnë se janë nën hetim 10 gjyqtarë dhe prokurorë për fshehje pasurie.
Në dokumentin e siguruar ekskluzivisht, theksohet se hetimet janë të shtrira në 9 mujorin e parë të vitit 2017, ndërsa të dhënat janë siguruar nga një raport sekret i prokurorisë. Report Tv disponon emrat e gjyqtarëve dhe prokurorëve që janë në hetim, por për arsye të hetimeve nga organi i Akuzës nuk i publikon.
Rasti i Shkëlqim Mirit është njëri nga 10 të regjistruarit nga Prokuroria e Krimeve të Rënda, ndërsa të tjerët janë; Dy në prokurorinë e Durrësit, dy janë në gjykatën e Tiranës, një rast tjetër është në rrethin e Elbasanit, dy të tjera në Vlorë dhe një në Fier. Gjyqtarë dhe prokurorët që janë në hetim nuk janë vetëm për cështje penale, por edhe civile pas denoncimeve nga qytetarët.
