Një 34-vjeçar është arrestuar nga policia e Pogradecit për kontrabandë të mallrave. Shtetasi L.B. i cili udhëtonte me një furgon tip “Ford”, është ndaluar nga policia në zonën e fshatit Lin në Pogradec.
Gjatë kontrollit, policia gjeti dhjetra kuti me fruta të thata të cilat dyshohet se ishin future kontrabandë nga Maqedonia e Veriut.
Në kërkim është shpallur edhe shtetasi I.G. 37 vjeç, banues në fshatin Buçimas.
Njoftimi i policisë:
Policia Kufitare godet një tjetër rast të kontrabandës me mallra.
Vihet në pranga drejtuesi i furgonit që transportonte mallrat e dyshuar të kontrabanduar, shpallet në kërkim bashkëpunëtori i tij.
Shërbimet e Stacionit të Policisë Kufitare Pogradec kanë ndaluar në fshatin Lin, Pogradec, shtetasin L. B., me mjetin furgon të markës “Ford”, në të cilin, gjatë kontrollit u gjetën dhe sekuestruan në cilësinë e provës materiale dhjetëra kuti me fruta të thata, të cilat dyshohet të jenë futur kontrabandë nga Maqedonia e Veriut.
Në vijim të veprimeve procedurale, specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasit L. B., 34 vjeç, banues në fshatin Lin, Pogradec dhe shpallën në kërkim bashkëpunëtorin e dyshuar të tij, shtetasin I. G., 37 vjeç, banues në fshatin Buçimas, Pogradec, për veprën penale “Kontrabanda me mallra të tjera”, kryer në bashkëpunim.
Materialet i kaluan Prokurorisë së Rrethit Gjyqësor Pogradec për veprime të mëtejshme.
