Situata e fundit politike duket tamam si një skenë e madhe teatri ku gjithçka ngjan si e mirëprogramuar.
Teksa nga njëra anë kryetarja e LSI-së Monika Kryemadhi proteston kundër Mazhorancës, forca e saj politike përkrah në pushtetin lokal kryebashkiakët e majtë.
Edhe pse së fundmi ajo ka lakuar shpesh herë emrin e kreut të Bashkisë së Durrësit Vangjush Dako, ky i fundit ka miratuar buxhetin me katër përfaqësues nga Lëvizja Socialiste për Integrim dhe një nga Partia Republikane.
Në mbledhjen e Këshillit Bashkiak të Durrësit ku u miratua Buxheti për vitin e ardhshëm, “TemA” mëson se 4 përfaqësues të LSI-së dhe një i PR-së bashkuan votat me PS-në duke bërë që 26 vota të ishin pro miratimit të Buxhetit.
Nga ana tjetër Partia Demokratike dhe këshilltarët e saj bojkotuan këtë mbledhje.
Mesa po duket marrëveshja e këtyre ditëve mes Monika Kryemadhit dhe Lulzim Bashës po funksionon veç për ndonjë deklaratë mediatike apo për ndonjë shfaqje me çizme.
