Është prezantuar sot në Tiranë nisja e operacionit të përbashkët me Agjencinë e Rojes Kufitare dhe Bregdetare të BE, FRONTEX, për kontrollin e kufijve shqiptarë dhe garantimin e sigurisë kufitare.
Gajtë fjalës së tij për prezantimin e operacionit, Komisioneri për Migrimin, Çështjet e Brendshme dhe Shtetësinë në Bashkimin Europian, Dimitris Avramopoulos, tha se ky operacion shënon një fazë të re të partneritetit mes Shqipërisë dhe Bashkimit Europian.
Sipas tij, progresi që dëshmohet përmes këtij bashkëpunimi, është prova e angazhimit të Shqipërisë dhe Bashkimit Europian për t’u bashkuar më shumë me njëri tjetrin dhe për të përballuar sfidat e përbashkëta. Avramopoulos shprehu edhe dëshirën e tij personale që Shqipëria si partnere besnike, të jetë shumë shpejt anëtare e familjes së BE-së.
“Personalisht kam lumturinë që jam këtu, për dy arsye, Së pari të shihja këtë agjenci të bëhej me një polici kufitare evropiane dhe e dyta sepse gjithmonë kam dashur ta shoh Shqipërinë më afër Europës, për ta parë Shqipërinë jo vetëm të bëhet pjesë e Europës, por anëtare e familjes europiane”, tha Avramopoulos.
