Një i ri 20-vjeçar u gjet i pajetë dje në mbrëmje, në Bassin de la Villette, në liqenin artificial në veri të Parisit, sipas kryebashkiakes, Anne Hidalgo.
Vdekja mund të jetë e lidhur me të nxehtin e jashtëzakonshëm që po godet Parisin këto ditë.
Në një tjetër citim në Twitter, Hidalgo kujton se të bësh plazh në kanalin e Parisit dhe Senë është rigorozisht e ndaluar, kjo për çështje sigurie.
Parisi ka dhjetëra pishina dhe shumë mënyra të tjera për t’u freskuar.
Qeveria, gjithashtu, ka vendosur në dispozicion numrin falas (0800 066666) për të mbrojtur jetën e qytetarëve.
Në Francë, në vitin 2003 pati mbi 10 mijë vdekje nga të nxehtit, ku sipas llogaritjeve më të prekurit kanë qënë të moshuarit dhe gratë.
