U arrestuan sot si të duyashuar për organizimin e vrasjes makabre të Devi Kasmit disa ditë më parë. Ata Janë lushërinjtë HOXHALLARI, Aurel dhe Amarildo. Atentatori kryesor i vrasjes dyshohet se është Eftimius Eftimius, vrasesi me pagese i Devi Kasmit, ish pjesëtar i Forcave Speciale Greke, gjithashtu i arrestuar ditën e sotme.
Aurel Hoxhallari një nga kushërinjtë 41 vjeç si i dyshuar si organizator për vrasjen e Devi Kasmit është një emër i njohur për policinë, pasi është arrestuar edhe më 10 Janar të vitit 2015 së bashku me kushëririn e tij Elton Hoxhallari, si porositës të dyshuar për atentatin ndaj Pajtim Serjanit, ngjarje e ndodhur më 5 Janar 2015 në “Rrugën e Kavajës” në Tiranë. Por, më 1 Shkurt 2015 Gjykata e Krimeve të Rënda i la ata të lirë për mungesë provash.
Në videon që shikoni më poshtë, janë pikërisht kushërinjtë Aurel dhe Elton Hoxhallari kur u arrestuan në Janar të 2015-s. Dy kushërinjtë Hoxhallari kishin porosituar Artur Bazen për të eliminuar Pajtim Serjanin. Baze u vra më pas nga miku i Serjanit, efektivi Roland Meta.
41-vjeçari Aurel Hoxhallari ka rënë sot në prangat e Policisë së Tiranës për magazinë me drogë, armë dhe mina me sahata që u zbulua në periferi të kryeqytetit.
Në shtëpinë që përdorej si magazinë u sekuestrua rreth 300 kg kanabis sativa, arsenal armësh dhe minash të telekomanduara.
Aurel Hoxhallari po hetohet edhe si i dyshuar për përfshirjen në vrasjen e Dëfrim Kasmit, por sipas burimeve nga policia është herët për të dalë në një konkluzion të tillë. Armët e sekuestruara janë dërguar me shpejtësi drejt laboratorit të Policisë Shkencore për t’u ekzaminuar nëse janë përdorur në vrasjen e Dëfrim Kasmit.
Përgatiti:AlpeNews.al
