Një ngjarje e rëndë ka tronditur Klosin ku një 30-vjeçar shkoi tek njerëzit e gruas të tij për t’i vrarë por ky akt i kushtoi jetën.
Në një situatë mjaft të rënduar psikologjike, teksa ka ikur prej tyre, Ari Hoxha ka vrarë veten.
30 vjeçari u gjend i vrarë me plumb në gojë rreth 300 metra larg banesës së vjehrrit në fshatin Plan i Bardhë në Bashkinë e Klosit.
Nuk dihet ende motivi, por dyshohet që Ari Hoxha të ketë pasur një konflikt me njerëzit e gruas, tek të cilët ka shkuar të sqarohet.
Por me vete kishte marrë edhe një armë automatike.
Ngjarja tragjike e vrasjes së familjarëve të gruas është shmangur pas njoftimit të policisë.
30-vjeçari është detyruar të largohet nga banesa e vjehrrit, por nuk e ka përballuar dot këtë situatë, dhe në gjendje të rënduar psikologjike, i ka dhënë fund jetës në rrugë, rreth 300 metra larg banesës, ku policia i gjeti trupin e pajetë. Mësohet se 30-vjeçari shumë shpejt do të bëhej baba pasi gruaja e tij është shtatzënë.
