Kryebashkiaku i Himarës, Jorgo Goro në një lidhje telefonike me #DritaremeRudinën, në Vizion Plus, ka folur për transformimin që do të pësojë Himara, duke u kthyer në një qytet që do të tërheqë turizmin. Goro tha se ndërtimet do të vazhdojnë, pavarësisht kundërshtimeve.
“Projekti do të vazhdojë. Vendimi për masën e sigurisë do ta çojmë në Apel. Projekti duhet të kishte përfunduar. Kemi 6 objekte që po ndërtojmë tani jo vetëm në Himarë, Dhërmi, Jalë, Vunoi”, tha Goro.
Në pamjet e sjella në #DritaremeRudinën, tregohet transformimi sheshit të qytetit në një pamje moderne.
