Mjeku i njohur infeksionist Tritan Kalo ka reaguar pas një foto-montazhi të shpërndarë në rrjetet sociale, ku portretin Ismail Qemalit në kartëmonedhën 500 lekëshe e kanë zëvendësuar me portretin e tij.
Mjeku Kalo shkruan se Babanë e Kombit nuk mund ta zëvendësojë dot kurrë portreti i tij.
“Babanë e Kombit nuk do të mundet t’a zëvëndësoj kurrë portreti im në kartmonedhën 500 lekshe, kurrë…. NËSE në të ardhmen do vijoj të jem gjurmëlënës në kujtesën e POPULLIT tim për kontributin e derimëtashëm socio-profesional, një gjë e tillë do më bëj të ndihem i vlersuar dhe i lumtur… “Omen est nomen” ( “Njeriu është emër”), shprehet Latini….Puna, Profesionalizmi dhe Përkushtimi ishin dhe mbeten PPP-ja ime e jetës”, shkruan mjeku Tritan Kalo.
Më poshtë foto-montazhi: Në kartëmonedhën 200 lekëshe mjeku Pëllumb Pipero, në kartëmonedhën 500 lekëshe mjeku Tritan Kalo dhe në kartëmonedhën 1000 lekëshe inxhinieria Luljeta Bozo.
