Boksieri afrikano-jugor, Zolani Tete mbajti kurorën e tij të WBO-së në kategorinë ‘bantamweight’ (51-54 kg) me titullin më të shpejtë botëror me nokaut. 29-vjeçari nga Afrika e Jugut arriti të bëjë një goditje mahnitëse në mjekrën e boksierit Siboniso Gonya në SSE Arena në Belfast brenda raundit të parë.
Tetes iu deshën vetëm 11 sekonda për të nokautuar kundërshtarin, Siboninso Gonya dhe për të mbajtur kurorën e tij të WBO-së në kategorinë ‘bantamweight’ (51-54 kg) me titullin më të shpejtë botëror me nokaut, raporton “The Mirror”.
Rekordin e mbante Daniel ‘La Cobra’ Jiménez që më 1994 kishte nokautuar për 17 sekonda boksierin, Harald Geier.
Gonya u trajtua nga mjekët brenda në ring të cilit iu desh të marrë oksigjen.
Pas triumfit, Tete tha: “E kam ditur se Gonya nuk do të zgjasë shumë. Fitova që në raundin e parë”.
“Dua t’i falënderoj trajnerët, ata janë duke bërë punë fantastike prapa skenës”.
