Pas mesazhit të dërguar gabimisht nga këshilltari i kryeministrit Edi Rama, Spartak Braho, në email, ku i drejtohet kreut të grupit të PS, Taulant Balla, kanë filluar ironitë ndaj tij.
Braho i kthen përgjigje Ballës duke shkruar: “Bravo Taulant, bëni direkt denoncim sic kemi biseduar”. Ky shkëmbim mesazhesh mes Ballës dhe Brahos ka ndodhur pas akuzsave të PS-së për LSI-në në lidhje me Klement Balilin.
Por anëtarja e kryesisë së LSI-së, Elona Guri, ka ironizuar me një foto në Facebook.
Në mbishkrimin e një fotoje intime të animuar ajo shkruan: “Pleqëri të mbarë, e di vetë ai për kë e kam”.
Braho u largua nga Lëvizja Socialiste për integrim para zgjedhjeve të këtij viti, ku pas ardhjes në pushtet sërish, Edi Rama e emëroi këshilltar për marrëdhëniet me Parlamentin.
