4 shqiptarë, anëtarë të një bande të trafikimit të kokainës në Britani janë dënuar nga një gjykatë me 25 vite burg në total. Shqiptarët e dënuar janë Nuri Mucmataj, Bekim Halilaj, Fitim Halilaj dhe Tomas Hela të cilët kanë trafikuar kokainë të klasit A me vlerë 4 milion paund në Southampton.
Ata u arrestuan në 21 prill të këtij viti pas një hetimi 9 mujor të policisë e cila i mbante në vëzhgim. Arrestimi i tyre erdhi pasi policia kontrolloi një furgon në Southampton ku u gjet kokainë e pastër me vlerë 140 mijë sterlina.
Më pas policia kreu kontrolle të mëtejshme në Carrington House, në Westwood Road, Portsëood, ku u arrestua Bekim Halilaj si dhe u gjet kokainë me vlerë 10,000 paund kokainë. Sipas medieve të huaja shqiptarët shpesh përdornin edhe emra të rremë në mënyrë që të qëndronin në Angli, njoftojnë mediat britanike.
Dënimet për shqiptarët:
Nuri Mucmataj, 26 vjeç është dënuar me 8 vjet e 6 muaj burgim.
Bekim Halilaj, 21 vjeç, është dënuar me 7 vjet burg.
Fitim Halilaj, 27 vjeç, është dënuar me 4 vjet e 6 muaj burg.
Tomas Hela, 24 vjeç, gjithashtu është dënuar me 4 vjet e 6 muaj burg.
/AlpeNews.al/
