Xherdan Shaqiri, ka uruar shqiptarët për festën e 28 Nëntorit, përmes një postimi në llogarinë e vet zyrtare në rrjetin social, Instagram.
Përfaqësuesi i Zvicrës ka shkruar në dy gjuhë, shqip dhe anglisht: “Urime 105 vjet pavarësi Shqipëri!”
Këtij urimi ia ka bashkangjitur edhe një fotografi ku shihet duke e valëvitur flamurin kombëtar shqiptar.
Edhe lojtarët shqiptarë të klubit londinez, Arsenal, Granit Xhaka dhe Shkodran Mustafi, kanë uruar për festen e Flamurit përmes një statusi në rrjetin social Facebook.
Në llogarinë zyrtare të Xhakës, dyshja i ka uruar të gjithë shqiptarët për Ditën e Flamurit.
Xhaka, urimit ia ka bashkangjitur një fotografi me Mustafin, në të cilën ata shihen duke e bërë shqiponjën.
“Ju urojmë të gjithë shqiptarëve kudo që ndodhen, Gëzuar ditën e FLAMURIT. #pavarsia #Shqiperia #kuqezi @shkodranmustafi”, ka shkruar Xhaka.
