Afganistani është kthyer këto ditë në epiqendrën e lajmeve botërore.
Mediat më me zë ndërkombëtarisht, i kanë kushtuar kronika të shumta situatës në vendin islamik. Talebanët kanë në dorë pushtetin dhe do të instalojnë në vend regjimin e tyre sipas ligjit të sheriatit.
Ndërsa dhjetëra qytetarë kanë mbushur aeroportin e Kabulit me shpresën për t’u larguar nga vendi dhe i shpëtuar ndëshkimit të egër të talebanasve.
Në pamundësi për t’u larguar vetë nga Afganistani, qytetarët, shihen përgjatë gardhit me tela në aeroport, duke zgjatur foshnjat e tyre dhe dorëzuar ushtarëve amerikanë. Në fotot e bëra virale së fundmi, shihen ushtarët amerikanë teksa kujdesen për të vegjlit.
“Pjesëtarët e shërbimit ushtarak amerikan ngushëllojnë foshnjat në Aeroportin Ndërkombëtar ′′ Hamid Karzai ′′ në Kabul, Afganistan”, shkruhet në faqen zyrtare të ushtrisë amerikanëve.
