Fundi i vitit, ose ajo që quhet rëndom festa e Vitit të ri, në shumë vende të botës organizohet në mënyra të çuditshme dhe jo gjithmonë natën e 31 Dhjetorit. Mjaft popuj me rastin e lindjes së një Viti të Ri zhvillojnë rituale të pazakonta dhe shpesh ekstravagante.
Urime të varura gjithandej
Shangai: Për Vitin e Ri, kinezët shkruajnë urime poetike që shfaqen kudo. Ato mund t’i gjesh të varur në një pemë apo në ndonjë tempull.
Viti i Ri nis në pranverë?!
Të hidhesh sipër një zjarrit për të pasur më shumë forcë dhe që të largosh të keqen. Është një rit kurd që bëhet me rastin e festës së Vitit të Ri. Por këtu Viti i Ri është në muajin mars dhe jo në janar.
Maska anti-demonë
Viti i Ri tibetian është mes muajit janar dhe mars. Në sajë të llogaritjeve që bëjnë murgjit, përcaktojnë edhe datën e Vitit të Ri. Në këtë ditë, murgjit maskohen për të larguar shpirtrat e keqin.
Vdekja dhe ringjallja e dhisë
Në fshatin rumun të Manastirea Humorului, një grup djemsh veshin një kostum për tu maskuar si dhitë. Bëhet fjalë për një kostum tradicional, të cilët me rastin e Vitit të Ri festojnë vdekjen e rilindjen dhe vënë në skenë deri në 30 persona. Dhia, simboli i pasurisë dhe fatit, prezantohet nga një maskë prej druri e vendosur në një shkop. E rrethuar nga personazhe si: i vjetri, djalli apo prifti, kafsha vallëzon deri sa ngordh. Më vonë ajo zgjohet për të nisur një jetë të re.
Festë me luftë.
Në Mongoli, Viti i Ri hënor përshëndetet me një garë tradicionale luftimi.
Me 108 goditje
Në Tokio tradita parashikon që në ditët e para të Vitit të Ri të zhvillohen gara kaligrafie për fëmijët. Në Japoni Viti i Ri njoftohet me 108 goditje gongu.
Festë duke medituar
Murgjit shaolin në Hong Kong bëjnë një ekspozitë me rastin e Vitit të Ri kinez. Bëhet fjalë për vitin hënor.
Më mirë vonë se sa kurrë!
Në Etiopi, në respekt të kalendarit kopt, u festua mijëvjeçari i ri në 11 shtator 2007.
Oferta për diellin
Në Kusk të Perusë, Viti i Ri festohet me 24 qershor. Bëhet fjalë për kalendarin e inkasve. Njerëzit këtu, i bëjnë dhurata perëndisë së diellit.
Dush elefantësh
Viti i Ri në Tajlandë festohet në muajin prill. Këtu në Bangkok festohet duke u sprucuar me disa litra ujë nga elefantët.
Lutje balonave
Në Tajvan, Viti i Ri kinez që është mes janarit dhe shkurtit, festohet duke u lutur tek disa balona që më pas lëshohen në qiell.
Pircing në gjuhë
Viti i Ri nepalez që është në mes të prillit, festohet duke bërë një pircing në gjuhë. Kjo konsiderohet si një sakrificë njerëzore për zotin e tyre, Shiva.