Një aksident i rëndë është shënuar ditën e sotme në qytetin e Beratit, pasi një makinë ka humbur kontrollin dhe ka përfunduar në lumin Osum.
Sipas informacioneve nga policia automjeti ka thyer kangjellat përgjatë urës së Goricës dhe ka rënë në lumin Osum dhe si pasojë e kësaj mendohet të jetë bërë moti i keq dhe uji në rrugë.
Drejtuesi i mjetit ka marrë dëmtime të rënda, por mësohet se është nxjerr nga lumi dhe është jashtë rrezikut për jetën.
Informacion paraprak nga policia
Rreth orës 14.15 Salla Operative ka marrë njoftim se një mjet i cili udhëtonte në rrugën Antipatrea, në vendin e quajtur “Tyneli” ka humbur kontrrollin dhe ka rënë në lumin Osum.
Menjëherë në vendngjarje kanë mbërritur shërbimet e policisë, zjarrfikses dhe ambulanca ku kanë bërë të mundur nxjerrjen e drejtuesit të mjetit nga lumi.
Nga informacionet paraprake rezulton se shtetasi K.S, 24 vjeç, banues në lagjen Çlirim, duke drejtuar mjetin tip Benz me targa angleze ka humbur kontrrollin e mjetit dhe për pasojë ka rënë në lumë.
Shtetasi K.S, është transportuar për në Spitalin Rajonal Berat, jashtë rrezikut për jetën.
Grupi hetimor po punon për zbardhjen e plotë të ngjarjes.
Deri më tani nuk dihen rrethanat e ngjarjes, ndërkohë që policia ka nisur hetimet për zbardhjen e aksidentit. Për më tepër shihni pamjet e rënda që vijnë vendi i aksidentit.
