Gruaja qe u vra dje ne Durres, nga burri me te cilin kishte lidhur jeten dhe kishin bashke 6 femije, eshte kjo qe shihni ne kete foto.
Viktimë nga dora e burrit te saj mbeti Adriana Shaholli, 40 vjeçe, nënë e gjashtë fëmijëve.
Autori i dyshuar, Çlirim Shaholli, 42 vjeç, është arrestuar nga Policia pak pas ngjarjes, pa bërë rezistencë.
Ngjarja ka ndodhur në zonën e Spitallës, rreth orës 19:30, ku dy bashkëshortët kanë pasur një zënkë për shkak të vështirësive ekonomike që ndodhej familja me tetë pjesëtarë.
Foto ilustruese
Foto ilustruese
Për mbajtjen e familjes kujdesej vetëm Adriana, pasi bashkëshorti i saj prej kohësh ishte i papunë. Në kushte ekstreme varfërie dhe me gjashtë fëmijë për t’u kujdesur, jetesa në familjen Shaholli ishte kthyer në një makth.
Burime pranë Policisë së Durrësit bëjnë të ditur se dy bashkëshortët kishin herë pas herë konflikte me njëri-tjetrin. Mbrëmjen e së premtes, konflikti mes tyre u mbyll në mënyrë tragjike, pasi Adriana Shaholli ndërroi jetë pak minuta pasi kishte mbërritur në urgjencën e spitalit të qytetit bregdetar.
Mjekët bëjnë të ditur se 40- vjeçarja nuk mundi t’u mbijetojë plagëve të rënda që kishte marrë në kokë si pasojë e goditjeve me mjete të forta.
PANORAMA
