Kukësi futet në historinë e futbollit shqiptar duke fituar për herë të parë titullin kampion në Kategorinë Superiore.
Pas disa vitesh në Superligë, Kukësi ia doli të ngrejë lart titullin kampion. Skuadra e drejtuar nga Ernest Gjoka zhvilloi një sezon mjaft të mirë, duke humbur vetëm një takim, atë të javës së fundit me Luftëtarin, kur në fakt e kishte hipotekuar titullin.
Në Kukës ky titull ishte i shumëpritur, pasi presidenti Safet Gjici për disa sezone me radhë investoi fuqishëm, duke e siguruar më në fund suksesin e planifikuar.
Për titullin kampion klubi verilindor mori urim edhe nga kreu i FIFA-s, Gianni Infantino.
