Fituesja e dy medaljeve të dyfishta olimpike McKayla Maroney thotë se abuzimi seksual me të cilin ajo e përjetoi në duart e një ish-mjeku të ekipit amerikan të gjimnastikës pothuajse e çoi në vetëvrasje. Ngjarja u zbulua të mërkurën.
Maroney dhe nëna i shkruan letra gjykatësit federal që po merrej me çeshtjen e Nasarit (Mjekut që akuzohej per abuzim).
Muajin e kaluar, Nassar pranoi që kishte abuzuar seksualisht me shumë vajza të reja të cilat fillonin që nga mosha 10 vjeçare.
Si pjesë e marrëveshjes së tij për pranimin e fajësisë, Nassar tani do të përballet me të paktën 25 vjet burg, pasi që fillimisht u akuzua për 22 akuza të sjelljes penale të shkallës së parë të krimit.
Ai pastaj u deklarua fajtor për akuza të tjera të sjelljes penale seksuale për sulme ndaj vajzave nën maskën e trajtimit mjekësor.
Nassar, 54 vjeç, u paraqit në Gjykatën e qarkut në Eaton County të Miçiganit dhe u deklarua fajtor për tri akuza kriminale të sjelljes penale seksuale të shkallës së parë.
‘Kjo përvojë ka shkatërruar McKayla,’ shkroi Erin Maroney në letrën drejtuar gjyqtarit.
“Ajo është shndërruar nga një atlete e shkëlqyer, pozitiv, e dashur, e klasit botëror në një person që ështe thellësisht në depresion, herë herë vetëvrasës.
“Disa herë nuk isha i sigurt nëse do të hapja derën e saj të dhomës së gjumit dhe do ta gjeja të vdekur”.
McKayla Maroney, 21 vjeçe, tha se Nassar e ka ngacmuar atë nga mosha 13 vjeçare derisa ka lënë gjimnastikën vitin e kaluar.
Ajo tha se abuzimi ka ndodhur në shumë konkurse të profilit të lartë, duke përfshirë Lojrat Olimpike të Londrës 2012, ku ajo fitoi medalje ari dhe argjendi.
“Filloi kur isha 13 vjeç, në një nga kampet e para të trajnimit të ekipit kombëtar, në Teksas dhe nuk përfundoi derisa u largova nga sporti”, shkroi McKayla Maroney në letrën e saj në gjykatë.
Përgatiti: AlpeNews.al
