Shqipëria mori dje zyrtarisht kryesimin e OSBE-së. Marrja e stafetës nga ana e Shqipërisë u shoqërua, ashtu siç tradita e do me një foto familjare. Por ndër momentet më “pikante” ishte kur kryeministri Edi Rama pozon për “foton familjare” pas momentit historik të marrjes së kryesisë së OSBE-së nga Shqipëria.
Në fotot e mëposhtme shihet fotografi, që ka hipur mbi një shkallë, për realizimin e perfekt të fotos pasi gjatësia e kryeministri Rama pengonte personat pas tij në rresht. Si drejtues i saj, Rama ka pritur në zyrën e tij në Vjenë, Sekretarin e Përgjithshëm, Thomas Greminger. Greminger u shpreh se Shqipëria ka bërë përparime dhe se ekipet e saj kanë bërë një punë mjaft të mirë. Po kështu, ai u shpreh optimist sa i takon drejtimit të kryesisë së OSBE-së nga Shqipëria.
