Atëkohë, të dy liderë të Mitrovicës, njëri i veriut dhe tjetri i jugut u takuan në një manifestim të KFOR’it.
KFOR’i marokenë në Kosovë atëkohë festonte përvjetorin e parë të udhëheqjes nga mbreti i tyre, Mohammedi i gjashtë.
Lideri serb në Mitrovicën e Veriut, Oliver Ivanoviq, sot i vrarë para selisë së tij, dhe lideri shqiptar, Bajram Rexhepi u takuan në këtë ceremoni, shkruan Express.
Bajram Rexhepi, tani i ndjerë, në atë ceremoni kishte marrë edhe vajzën e tij. Në këtë video arkiv, shihet se si Oliver Ivanoviç ia puthte dorën vajzës së vogël të Rexhepit.
Politikani serb, Oliver Ivanoviq u vra të martën para selisë së partisë së tij. Atentati dyshohet se u krye nga një veturë e tipit “Opel Astra” e cila më vonë u gjet e djegur në Zveçan. Ivanoviq, u vra me katër plumba, ndërsa kryesit e kësaj vepre ende nuk janë kapur nga policia.
Gazeta Express
