Rreth 30 krerë shtetesh dhe qeverish nga e gjithë bota marrin sot pjesë në ceremoninë e varrimit të ish-presidentit francez, Jacques Chirac, i cili u nda nga jeta ditën e premte.
Mes shumë liderëve botërorë, është edhe kryeministri Edi Rama, i cili është takuar me shumë figura të rëndësishme politike, mes tyre edhe ish-presidenti Bill Clinton.
Ka qenë vet kryeministri ai që ka postuar disa foto nga ceremonia, ku shfaqet teksa bisedon me ish-presidentin e SHBA-ve, shumë të dashur për shqiptarët, sidomos për popullin e Kosovës.
