Dalin detaje nga aksidenti i rëndë që ndodhi sot në aksin Korçë-Pogradec, ku u plagosën 3 persona. Ngjarja ndodhi në fshatin Çaushli. Gazetarja Iris Rezhda, e cila ka siguruar edhe fotot nga vendi i ngjarjes, raporton për ‘BW’ se dy kalimtarët ndodhen në gjendje të rëndë për jetën.
Ashtu siç konfirmoi dhe policia e Korçës, shtetasja me inicialet A.K, 43 vjeçe dhe shtetasi A.V, rreth 10 vjeç aktualisht ndodhet në reaminacion, në gjendje të rëndë.
Ndërkohë, që situata paraqitet më e mirë për shoferin, shtetasin me inicialet A.F, 31 vjeç. Për më tepër shihni fotot që vijnë nga vendngjarja, ku shihet se si mjeti tip “Volkswagen” me targa KO 5929B, është shkatërruar në pjesën e parakolpit.
