Një ngjarje e rëndë ka ndodhur mëngjesin e sotëm në Tiranë. Burime nga policia thanë se kanë gjetur të vdekur një foshnje të porsalindur. Ngjarja ka ndodhur në rrugën ‘Azem Galica’ dhe është zbuluar në orën 7:30 minuta. Mësohet se foshnja ka qenë vendosur në një çantë të zezë, ku është braktisur (me shumë gjasa nga prindërit e saj), ndërkohë që Policia pritet të zbardhë sërish detaje.
Informacion Paraprak nga Policia e Tiranës:
Më datë 02.09.2018, rreth orës 07:30, në rrugën ‘Azem Galica’, në një çantë të zezë, është konstatuar e braktisur dhe pa shenja jete, një foshnje e porsalindur. Po kryhen veprimet e mëtejshme hetimore dhe proceduriale.
