Në “Selman Stërmasi” do të luhet sfida e fundit e javës së 18 që korrespondon me fundin e fazës së dytë dhe njëkohësisht me gjysmën e kampionatit. Partizani i Sulejman Starovës do të presë Kamzën e cila në fazën e parë i mundi minimalisht 1-0.
Të kuqtë vijnë pas 2 humbjeve kundër Flamurtarit një në Kupë dhe një në kampionat, dhe për këtë arsye do të kërkojnë me çdo kusht 3 pikët për të synuar Kupat e Europës.
Nga ana tjetër pozitat e Kamzës janë shumë më lartë sesa pritshmëritë, por pavarësisht këtij fakti sot do të ketë një test të vërtetë. Ndeshja me Partizanin është shumë e rëndësishme pasi një humbje do të bënte që të kuqtë ta kalonin në renditje.
Formacionet zyrtare
Partizani: Hoxha, Ibrahimi, Atanda, Belica, Trashi, Asani, Telushi, Batha, Lukas Kardozo, Progni, Bardhi.
Trajner: Dalipi
Kamza: Gjonikaj, Zguro, Frashëri, Lelis, Kuqo, Arrabal, Imeri, Idrizaj, Plaku, Fukui, Raçiç.
Trajner: Ndreu
Gjyqtar: Andi Koçi
