Presidenti amerikan Joe Biden doli në një deklaratë për shtyp ku foli mbi sanksionet e marra ndaj Rusisë për sulmin e ndodhur ndaj Ukrainës. Ai tha se e gjithë bota tashmë ishte e bashkuar kundër këtyre sulmeve por theksoi se forcat ushtarake amerikane nuk do ndërhynin në këtë konflikt.
Presidenti i SHBA-ve, Joe Biden: Forcat tona nuk do jenë të përfshira në konfliktin mes Rusisë dhe Ukrainës. Por sigurojmë aleatët tanë se do u vijmë në mbështetje në rast të një agresioni të mundshëm. Lajmi i mirë është se jemi të bashkuar. Kemi dërguar trupat tona në Gjermani Poloni, Rumani, Lituani për të treguar përgjegjësinë tonë. Kemi dërguar edhe forca ajrore.
Tani do autorizoj më shumë forca ushtarake në Gjermani dhe Poloni. Jemi përgatitur të mbrojmë NATO-n për çdo situatë të mundshme. Jemi gati të mbështesim çdo kompani amerikane në rritjen e naftës, bezninës dhe gazit. Në paketën tonë kemi përfshirë pagesat e energjisë do vazhdojnë. Po bashkohemi dhe po punojmë aktivisht me aleatët tanë. E di se kjo është e vështirë dhe se amerikanët po vuajnë për naftën dhe gazin por ky agresivitet nuk mund të qëndrojë pa përgjigjie. Ne qëndrojmë kundër sulmeve dhe pro lirisë. Nëse Rusia do vazhdojë me sulmet kibernetike ne jemi të përgatitur të luftojmë.
Në javët dhe muajt e ardhshme ne mbështesim Ukrainën e cila ka përjetuar 30 vite pavarësi dhe kanë treguar se janë gati të bëjnë çdo gjë për ta mbajtur atë liri. Putin i ka shkelur të gjithë ligjet dhe kontratat e vendosura. Ky nuk ka qenë një problem për sigurinë e Rusisë por problem për egon e saj, që të ndryshojë kufijtë me forcë. Putin ka një portret të friskshëm për të ardhmen e botës, por SHBA dhe partnerët do e luftojnë dhe janë më të bashkuar se kurrë dhe qëndrojmë kundër agresivitetit të Putin. Kushdo që e mbështet do të jetë vetëm i poshtëruar vetëm nga bashkëpunimi. Dinjiteti dhe liria janë forca më të rëndësishme sesa nënshtrimi.
