Ish-kampioni shqiptar në sportin Kick Box Ismail Keta mbrëmë ishte i ftuar në “Xing me Ermalin”.
Ai foli për karrierën e tij dhe trofetë që ka fituar por bëri edhe një rrëfim pas një pyetje që ju dërgua në Facebook-un zyrtar të emisionit.
Një komentuese e pyet kampionin shqiptar nga Bulqiza se si ndihet kur rreh një serb?
Në fillim ka qëndruar pak sekonda në heshtje por më pas ka dhënë përgjigjen e tij.
“Unë që jam këtu dhe nuk them dot se e simpatizoj atë komb, kam historinë më të freskët në vitin 2014, kur pata një hemorragji cerebrale.
Kam qenë 10 orë i paralizuar në krahun e majtë dhe unë që sot jetoj dhe jam shumë i lumtur se kam dy fëmijë, jetën e kam prej një serbi. E kisha mësuar 3 javë më parë që ai ishte serb dhe e kisha distancuar,”-rrëfeu Ismail Keta./ noa
