Këtë të premte përfaqësues të Policisë së Shtetit të Shqipërisë dhe Policisë së Shtetit të Italisë, po zhvillojnë një konferencë të përbashkët ku po bëjnë një pasqyrim të situatës në lidhje me monitorimin e përbashkët për goditjen dhe parandalimin e kultivimit të bimëve narkotike.
Drejtori i Përgjithshëm i Policisë Gledis Nano në fjalën e tij është shprehur se në kuadër të bashkëpunimit me partnerët italianë është bërë i mundur ndalimi dhe prishja e shumë parcelave të kultivimit të lëndëve narkotike.
“Ky plan është shoqëruar me planin e masave dhe të monitorimit dhe prioritet ka qenë bashkëpunimi ndërkombëtar. Viti 2020 dhe ai para tij kishte specifika që lidheshin dhe me kontrollin dhe masat për pandeminë, që ju shtuan dhe ato të zgjedhjeve dhe që u kaluan me kujdes. Më pas filloi kontrolli i territorit për mbjelljen e lëndëve narkotike, pas kontrollit ne bëmë të mundur sekuestrimin e parcelave diellore. Në total janë kryer 145 555 kontrolle dhe mbi 300 mijë orë shërbimi. Është itensifikuar kontrolli përmes dronëve, nga 50 dronë. Për monitorimin ajror janë përdorur helikopterët e ministrisë së Mbrojtës dhe bëri të mundur krijimin e hartës digjitale për zonat që kanë bimë narkotike. Nga të dhënat u bë i mundur dhe hartimi i raporteve për zonat ku kultivohej lëndë narkotike. për vitin 2021 janë marrë dhe trajtuar 7023 informacione për kultivim të lëndëve narkotike janë ndjekur rreth 200 përgjime në lidhje me kultivimin e bimëve narkotike.kemi bërë punë të pandërprerë përmes operacioneve për ndërprerjen e kultivimit të bimëve narkotike.
Kemi evidentuar 828 vepra penale për kultivim të bimëve narkotike, nga të cilat 726 janë raste kultivimi të lëndëve narkotike”, ka thënë ai.
