Presidenti i Rusisë Vladimir Putin nënshkroi një doktrinë të re detare, e cila i cilëson Shtetet e Bashkuara si rivalin kryesor të Rusisë dhe përcakton ambiciet globale detare të Rusisë për zona vendimtare si Arktiku dhe Deti i Zi
Duke folur në Ditën e Marinës së Rusisë në Shën Petersburg, Putin premtoi gjithashtu ato që ai shpalli si raketat unike të lundrimit hipersonik të Rusisë Zircon.
Putin nuk e përmendi konfliktin në Ukrainë gjatë fjalimit të tij, por doktrina ushtarake parashikon një “forcim gjithëpërfshirës të pozitës gjeopolitike të Rusisë” në detet e Zi dhe Azov.
Flota detare e Rusisë do të fillojë të marrë raketat më të reja hipersonike kundër anijeve Zircon “në muajt e ardhshëm”, tha Presidenti Vladimir Putin.
Presidenti rus vlerësoi armën të dielën, duke thënë se “asnjë pengesë” nuk mund të ndalojë raketat.
“Forcat e Armatosura Ruse do të fillojnë t’i marrin ato në muajt e ardhshëm,” tha Putin gjatë një fjalimi për Ditën e Marinës në Shën Petersburg. “Anija e parë e pajisur me këtë armë të fuqishme do të jetë fregata Admiral Gorshkov”, shtoi ai.
Sipas Putinit, vendosja e saktë e fregatës do të zgjidhet “në përputhje me interesin e ruajtjes së sigurisë së Rusisë”. Putin shtoi se Rusia do të mbrojë interesat e saj detare “me vendosmëri dhe me të gjitha aftësitë e saj”.
