Florida ndodhet nën “pushtetin” e uraganit Ian, stuhia që ka sjellë përmbytje e shkatërrim duke e futur vendin në gjendje të jashtëzakonshme.
Stuhisë duket se nuk i ka shpëtuar as një makinë luksoze McLaren P1, e cila është nxjerrë nga garazhi dhe është mbuluar nga uji.
Pronari i supermakinës me ngjyrë të verdhë, i quajtur Ernie, postoi foto në Instagram duke treguar se mjeti ishte në garazhin e tij kur niveli i ujit filloi të rritet, duke bërë që makinat e tij të kalojnë nëpër derën e garazhit.
Në njërën prej fotove, të cilën i apasionuari i supermakinave duket se e ka bërë pas pastrimit të motit të keq, një tjetër makinë në koleksionin e tij, një Lamborghini blu, shihet e përmbysur plotësisht pranë McLaren.
