Floriana Garo ka bërë të ditur në ‘Wake Up’ se së shpejti do të bëhet mamaja e një vajze.
Ajo u shpreh se së shpejti do të kryej edhe ceremoninë e fejesës, për të kaluar më pas në celebrimin në martesë.
Po surpriza e bërë në linjë telefonike në ‘Wake Up’ nga vjehrra e saj, Lumturi Ratkoceri tejkalon çdo marrëdhënie nuse-vjehrrë. Ajo i ka drejtuar fjalët më të ndjera nuses të së birit, që nëse kishit ndonjë dyshim sado të vogël, ia ka fituar zemrën me të mira të gjithë familjes Daci.
“E dashur Floriana, po bëhen gati 2 vjet qëkur u takuam për herë të parë dhe sot të falënderoj publikisht për gëzimin që solle në familjen tonë. Të falënderoj që u bërë pjesë e jona, për buzëqeshjen, dashurinë dhe bukurinë, por mbi të gjitha për ngrohtësinë dhe lumturinë që i jep tim biri. Të falënderoj për mbesën tonë që do të na falë gaz dhe hare. Ti e di sa e dua tim bir dhe dua të kuptosh që ai burrë i mençur, pasionant dhe i ndershëm që qëndron pranë teje, do të jetë gjithmonë fëmijë im. Për tre dekada jam kujdesur për të dhe i tregova rrugën drejt suksesit. Nga sot po ta kaloj ty, të kam besuar qënien e Enisit, prandaj sot të them publikisht se të dua si vajzën time. Im bir ka ditur të zgjedhë.”
Floriana nuk ka mbajtur dot emocionet dhe është përlotur gjatë kohë që zonja Lumturi fliste dhe e ka falënderuar e perlotur.