Kryeministri Edi Rama është duke zhvilluar një takim në Shirokë, ku u ka kërkuar qytetarëve që të votojnë kandidatin e PS në Shkodër, Benet Becin.
Rama madje ka treguar se si e ka ftuar Becin që të punonte për Partinë Socialiste. Madje ndër të tjera me batuta ai tha se edhe pse Beci është me PS nuk e di nëse ia ka dhënë votën socialistave “sepse s’ja bën dora”.
“Ne kemi sjellë këtu një kandidat për kryetar bashkie i cili nuk na përfaqëson në ngjyrën tonë, ka qenë me zotin B. Beneti thotë se sic bën ndonjëherë shaka, e thotë edhe me zotin B. Kur ka filluar punën si menaxher publik dhe unë kur pash që ja kishin vënë syrin për ta eleminuar si zotin B, i thash Benet dua të vazhdosh punën se të vlersoj si menaxher. Je nga një të paktët që e kanë merituar dhe dëshiroj që ta vazhdosh punën.
Dhe ky me qetësi tha, unë këtë punë di të bëj, unë nuk kam ndonjë problem të punojë për ju, duke thënë se unë jam andej, por punoj për ju, por votën nuk ua jap. Dhe nuk na e ka dhënë votën. Madje dyshoj nëse ja ka dhënë votën PS në zgjedhje kur u bë deputet me PS, se nuk ja bën dora e ka problem.
Edhe kur u fut në skuadën tonë kemi pas bisedë interesante sepse Beneti e ka problem politikën. I thash se nuk të dua për politikën se e di që nuk të pëlqejnë kamerat. I thash të dua se dua të bëjmë dicka ndryshe për Shkodrën” tha Rama ndër të tjera.
