Arjan Ahmetaj, Shefi i parandalimit në drejtorinë e zjarrfikëseve të Tiranës foli në një lidhje telefonike me News24 pas zjarrit masiv që përpiu disa magazina në zonën e “Frigoriferit” në Tiranë.
Ahmetaj tha se nga shërbimi zjarrfikës u morën të gjitha masat, fillimisht për të siguruar jetën e qytetarëve dhe më pas për lokalizimin e flakëve. Ai bëri të ditur se tashmë situata është nën kontroll.
“Masat e para që morëm, ishte që zjarri të mos pëhapej në banesat e qytetarëve dhe organizuam punën për rrethimin e objektit. Karburanti është i distancuar nga objekti në flakë. Kemi marrë shërbime të përfocuara. Për momentin zjarri nën kontroll dhe besoj se shumë shpejt do të shuhet. Kemi pasur edhe bashkëpunimin e policisë”, deklaroi Ahmetaj.
