Një zjarr masiv ka rënë në një zonë industriale të Compton duke u përhapur përmes disa bizneseve dhe përfshiu struktura të shumta dhe autobusë.
Ekipet e Compton Fire iu përgjigjën skenës së llahtarshme pas orës 4:30 të mëngjesit, thanë zyrtarët. Kompleksi tregtar përfshinte një oborr paletash, biznes transporti dhe kompani dyshekësh në pronësi të familjes.
Zjarri filloi në oborrin e paletave dhe u përhap në parkingun e autobusëve, sipas zyrtarëve. Struktura të shumta u shndërruan në rrënoja, të paktën një duzinë autobusësh u dogjën, disa transformatorë thuhet se shpërthyen dhe linjat e energjisë u rrëzuan ndërsa zjarri vazhdonte të ‘tërbohej’.
Një shtëllungë masive tymi mund të shihej nga disa milje larg, përfshirë në qendër të Los Anxhelosit.
E gjithë zona ndriçohej nga zjarri i përhapur. Ekipet e zjarrfikësve rrethuan zonën ndërsa flakët ‘gllabëronin’ çfarë u dilte para.
