Shkrimtari i famshëm çek, Milan Kundera është ndarë nga jeta në moshën 94-vjeçare, njoftoi Radio dhe Televizioni Çek.
Veprat e tij më të njohura janë romanet “Lehtësia e padurueshme e ekzistencës” dhe “Shakaja”.
Veprat e tij më të famshme janë “Libri i të qeshurit dhe harresës”, “Arti i romanit” dhe “Pavdekësia”.
Ato të mëvonshmet të shkruara në frëngjisht, nuk u përkthyen në çekisht.
Në bazë të vendimit pas takimit me kryeministrin e atëhershëm Andrej Babiš, Kunderës iu rikthye shtetësia çeke.
Kundera herë pas here vizitonte Republikën Çeke, por gjithmonë në mënyrë të fshehtë dhe nuk foli kurrë me shtypin.
Milan Kundera lindi në vitin 1929, në Çekosllovaki. Ai mërgoi në Francë, në vitin 1975 dhe më 1981 u bë shtetas francez i natyralizuar. Ka shkruar në çekisht dhe në frëngjisht.
Përkthimet e librave të tij në frëngjisht i ka korrigjuar gjithmonë vetë, ndaj dhe për këtë arsye ato nuk konsiderohen përkthime, por vepra origjinale.
Librat e tij u ndaluan nga regjimi komunist në Çekosllovaki, deri në rënien e këtij regjimi nga revolucioni Velvet në vitin 1989.
Edhe pas Revolucionit të Kadifenjtë, rënies së Perdës së Hekurt dhe krijimit të Republikës Çeke, shkrimtari nuk është rikthyer në vendlindjen e tij.
“Nuk kam ndonjë ëndërr për rikthim”, ka thënë ai njëherë gjatë një interviste. “Unë e mora Pragën time: aromën, shijen, gjuhën, mjedisin, kulturën.”
