Kryeministri izraelit Benjamin Netanyahu ka deklaruar se fitorja ndaj Iranit përfaqëson një moment historik për sigurinë e Izraelit dhe një mundësi të rrallë për paqe në Lindjen e Mesme.
“Zoti do t’i japë forcë popullit të tij, Zoti do ta bekojë popullin e tij me paqe,” u shpreh Netanyahu.
Netanyahu tha se qeveria izraelite po punon intensivisht në këtë drejtim, ndërsa theksoi se prioritet mbetet edhe lirimi i pengjeve të mbajtura nga Hamasi dhe shkatërrimi i plotë i këtij grupi.
“Së bashku me lirimin e pengjeve tona dhe mposhtjen e Hamasit, ekziston një dritare mundësie që nuk mund ta humbasim. Nuk mund të humbasim asnjë ditë të vetme,” përfundoi kryeministri izraelit.
Deklaratat e Netanyahu vijnë në një moment kur tensionet në rajon mbeten të larta, por gjithashtu nxisin spekulime për një valë të re normalizimesh diplomatike në kuadër të marrëveshjeve të Abrahamit.
