Për shumë njerëz, 1 milion euro do të ishin fundi i shumë problemeve.
Por jo për fituesin e kësaj shume në një nga lotaritë që zhvillohen në Itali.
Biagio Vigna është 64 vjeç dhe mbrëmjeve parkon markinat e të rinjve që argëtohen në diskoteka.
Ai ka mësuar se dikush kishte fituar 1 milion euro pikërisht nga një grup të rinjsh që dilnin nga diskoja.
Kjo e ka kujtuar të shohë biletën që kishte blerë vetë.
Pasi ka mësuar se ishte fitues, ai ka pësuar infarkt.
Por pas ndihmës që mori në spital, ai i ka telefonuar të bijës: “Bileta është e jotja, bëj çfarë të duash me të. Për mua janë shumë para, nuk i dua”.
Në pak orë, Biagio është bërë sensacion në internet, por edhe tema kryesore e bisedave në sheshet e Pinarolos, qytetit me 35 mijë banorë ku ai jeton.
Bashkëqytetarët e njohin si njeri punëtor dhe të qeshur, që ka bërë punë të ndryshme në vite për të siguruar paratë për të rritur të bijën.(TemA TV)
