Talibanët në Afganistan kanë shpallur armëpushim treditor, me rastin e festës së Fitër Bajramit. Pas këtij njoftimi, presidenti afgan, Ashraf Ghani po ashtu ka urdhëruar forcat e sigurisë që t’i përmbahen armëpushimit.
Përmes një postimi në Twitter, zëdhënësi i talibanëve, Zabihullah Mujahid tha se drejtuesit e këtij grupi ka urdhëruar të gjithë luftëtarët “që të mos kryejnë operacione ofensive ndaj asnjë armiku” dhe të ofrojnë “siguri për qytetarët tanë”.
Armëpushimi nis sot dhe do të zgjasë tre ditë. Edhe presidenti Ghani ka shkruar në Tëitter se forcat qeveritare do të ndërpresin të gjitha operacionet gjatë këtij armëpushimi. Pas faljes së Bajramit, presidenti afgan, Ashtraf Ghani njoftoi se qeveria e tij do të përshpejtojë lirimin e të burgosurve talibanë.
(BalkanWeb)
