Shpresat e Theresa May për një marrëveshje tregtare të Brexit me SHBA mund të shkatërrohen nëse Donald Trump nuk do të ftohet në ceremoninë e dasmës së princit Harry dhe Meghan Markle, ka paralajmëruar autori i librit “bombë” mbi presidentin.
Presidenti Trump do ta “nderojë” këtë mardhënie të veçantë vetëm nëse ai do të marrë atë që do, në të kundërt do ta shpërfillë këtë ngjarje sipas gazetarit amerikan Michael Wolff. Ai gjithashtu pohon se Trump do të abuzonte me vizitën e tij nëse do të shkonte në Britani dhe do ta trajtonte Mbretëreshën sikur të ishte në një nga shfaqet e tij televizive.
Komentet u bënë nga autori Wolff në intervistën e parë që kur Trump reagoi me zemërim ndaj botimit të tij “Fire and Fury”.
Duke folur për The Mail, Z. Wolff bëri pretendime të reja të habitshme rreth gjendjes mendore të Presidentit, duke thënë se disa zyrtarë besonin se 71-vjeçari kishte aftësi të kufizuara të të mësuarit, madje edhe çrregullime mendore. Z. Wolff zbuloi gjithashtu se Trump është aq shumë injorant rreth Britanisë sa nuk e dinte çfarë ishte BREXIT deri dy javë para referendumit. Përgatiti:AlpeNews.al
