Pas fillimit të sezonit të ri shkollor një muaj më parë në gjimnaze dhe shkollat 9 vjeçare, tashmë universitetet përgatiten të fillojnë mësimin. Vetëm pak ditë na ndajnë nga fillimi i sezonit të ri. Mendohet se gjithçka duhet të jetë gati, pasi çfarë duhej rregulluar, duhet të ishte mbaruar, ose të paktë të jetë në fazat e fundit.
Mesa duket jo të gjitha universitetet janë gati. Të paktën në pamje të parë kështu duket në atë çfarë po ndodh në Univeristetin Bujqësor të Tiranës. Ky universitet në datën 11.10.2018 ka dërguar në Agjensinë e Prokurimeve Publik dokumentacionin për zhvillimin e një tenderi për riparimin e karrigeve të sallës së leksionit.
Në fakt numri i cili shënohet në dokumentacion nuk është i vogël. Plot 160 të tilla priten të riparohen. Mesa duket “vesi” i shqiptarëve për ta lënë çdo gjë në “minutën” e fundit, paska injektuar edhe këtë universitet. Koha për të duket se nuk paska qenë e lirë më përpara, por duhet me doemos që tashmë të zhvillohet ky tender. Tenderi pritet të hapet një ditë më vonë, pra në datën 12.10.2018 dhe do të mbyllet në datën 15.10.2018, pra pikërisht ditën e fillimit të sezonit të ri universitar.
Kjo gjë pritet të sjellë kaos në ditët e para deri në sistemimin dhe pajisjen me ato karrige sërish, pasi edhe vetë nxënësit nuk e dinë nëse kjo gjë po ndodh, dhe se ata që zhvillojnë mësimin në atë sallë leksioni, nuk do të munden që në fillmin e sezonit të ri. Pra ata do të zhvendosen në një sallë tjetër leksioni, gjë e cila mund të shkaktojë përplasje në orare, vonesa apo dhe debate të ndryshme.
Dokumenti i plotë: