E mitura nga Fieri e cila ra preh e një tentative përdhunimi nga tre të rinj ka treguar ngjarjen. 13 vjeçarja u shpreh në polici se tre persona e morën dhe e lidhen me forcë. Ajo shpjegon se djemtë e kishin çuar në një banesë të pabanuar.
Vajza ka deklaruar se ka njohur dy prej autorëve: Redion Tereziubn dhe Jorges Dostin.
“Do të shkoja të shikoja emisionin humoristik ‘Portokalli’ tek xhaxhai por sapo dola në oborr disa persona më mbyllën gojën, me lidhën dhe me morën me forcë në krahë duke më çuar në shtëpinë që po ndërtohet në anën tjetër të rrugës”.
Të arrestuar për ngjarjen janë:
1.Redion Tereziu, 22 vjeç
2.Jorges Dosti, 24 vjeç
3.Marjus Çalameni, 24 vjeç, të tre banues në fshatin Vlosh, Roskovec.
Mbi ta rëndojnë dy akuza: “Heqje e paligjshme e lirisë” dhe “Marrëdhënie seksuale me të mitur” mbetur në tentativë.
Dje Gjykata e Rrethit Gjyqësor Fier caktoi masën e sigurisë “arrest në burg” ndaj tre të rinjve, të cilët u arrestuan mbrëmjen e së dielës, pasi akuzohen se morën forcërisht nga oborri i shtëpisë së saj një vajzë të mitur 13-vjeçare dhe tentuan të kryenin marrëdhënie seksuale me të.
/AlpeNews.al
