Report Tv po ndjek nga afër situatën e përmbytjeve në të gjithë vendin nga veriu në jug, ku shumë banesa janë përmbytur, ndërsa shumë familje janë zhvendosur. FA ndodhet në operacion dhe gatishmëri në zonat me rrezik, sidomos në Vlorë dhe Fier.
Drejtori i Bordit të Kullimit në Fier deklaroi se “Hidrovori i Orikumit është jashtë pune. Në Darzezë hidrovori punon me kapacitet të plotë, po ashtu edhe i fshatit Seman. Aktualisht niveli i ujit nuk përbën ndonjë problem”.
Ndërsa për mikrofonin e Report Tv banorët janë shprehur se “Janë përmbytur tokat, tani presim të përmbyten edhe shtëpitë nga lumi Vjosa”. Në Vlorë raportohet se niveli i Vjosës është rritur, 70 banesa janë nën ujë, 100 familje janë evakuuar, ndërsa në gatishmëri është FA, policia dhe institucionet e tjera.
