I pyetur nga Cim Peka në lidhje me shqetësimet që ai ndjente edhe ne televizionin ku punon, për të gjitha problematikat që po kalon media shqiptare sot në raport me pushtetin, lirinë, pronarët dhe krimin, Fevziu ka dhënë këtë përgjigje olimpike:
“Unë personalisht nuk kam ndjerë kurrë shqetësime të këtij lloji, sepse gjërat janë personale. Unë e shoh që kjo është një tendencë e përgjithshme, në fund të fundit unë nuk jam njeri që varem nga raportet që mund të kem me televizionin, unë e kam ndërtuar raportin tim me emisionin tim, kam ruajtur një axhendë timen e cila ka qenë gjithmonë dhe në fund të fundit nuk kam lënë kurrë ditën që të shkoj dhe të negocioj në raport me emisionin. Ditën që do vijë koha për të negociuar unë e mbyll atë derë të atij emisioni dhe gjej një derë tjetër.” Sabri Godo ndjesë pastë dikur, kur një gazetar si puna e Fevzos i tha se është i pavarur, i’u përgjigj: Dëgjo këtu more bir! Edhe topet e dashit kur i sheh nga larg se si tunden, si të pavarura duken. Por…